بسمة قابيل تكتب: التغافل من أجل الود

الشئ الوحيد اللي يجمد العلاقة أكتر وتخلينا متبتين في بعض أكتر وأكتر هو إننا نفضل شايفين بعض بنفس النظرة الاولي اللي خطفت قلبنا ، وبنفس الشغف اللي جوانا للوجود ، ونفس الفضول إننا نعرف عن بعض أكتر ، ونفس لهفتنا لرد الفعل لو عملنا حاجة تفرح ، فنفضل نعمل حاجات تفرح أكتر وأكتر ، نفس الجهد الي عملناه عشان نبين أد إيه إحنا بنحب وأد إيه الحب ده غالي … نفضل خايفين ، عشان طول ماحنا خايفين بنتبت أكتر وبندي إهتمام بالتفاصيل أكتر وأكتر … من رأي إن أول مابنتملك بنهمل ، بنبدأ نحس بنبرة ماهو كدة كدة إحنا خلاص مع بعض ، هنروح من بعض فين .. وده ممكي يبقي اول الخيط للضياع من العلاقة الجميلة ، وعشان كدة الافضل نبقي حاسين طول الوقت أن مابين رمشة العين والتانية إننا وحشنا بعض وأهم حاجة ، التغافل من أجل الود ، مانقفش علي بعض بالواحدة ، منبقاش الند بالند ، اللي نقدر نعديه نعديه، ودايمآ نبقي حاسيين إننا بنختلف عشان نفهم بعض ، عشان نقرب لبعض ، مش عشان نقول ده في مسافات ، لان المسافات طبيعي تبقي موجودة من شخص لشخص ، بنبقي اخوات وكل واحد لينا ليه تفكيره ، بس عشان قلوبنا إتقابلت ببعض ، وعشان نفضل دايمآ مع بعض ، وعشان الحياة مش حياة غير في إيدينا المتبتة فلازم الزعل يبقي أقصاه يوم مش أكتر الأهم إننا نتغافل عشان الود يفضل والتتبيتة الحلوة دي كمان :)) ❤️