فجأة إنخفض صوت المزيكا من إرتفاع صوت البكاء في القاعة ، الكل ينظر في فزع ، توتر ، تمتمة الاصوات تملئ المكان ، في إيه ! حصل إيه ! أيه ده ! مش ممكن .. اكتر الجمل اللي كانت متداخلة مع بعضها ، لكن غلب عليها صوت العياط في المايك ،، كانت حشرجة صوتها وهي بتبدأ الكلام تخلع القلب من مكانة ..
” نهلة “بنت في ال ٣٠ من عمرها متوسطة الجمال أعتقد أنني مقبولة الملامح ، حاصلة علي ليسانس أداب ، أعمل HR في إحدى الشركات . لدي إستقرار مالي وأسري أيضآ لحد ما ..
هكذا إستجمعت نهلة قوتها وعرفت نفسها ..
ثم إستكملت ماذا ينقصني لأكتمل في نظر المجتمع والأهل والأسرة … ماذا ينقصني لأكتمل في دوري كانثي ..
ينقصني أن أتزوج ! صح ..
لم أوافق علي هذا الاكتمال في نظركم إن لم تكتمل روحي أولآ ، سأظل أرفض هذا وذاك حتي أقابل من تلتئم معه روحي قلبآ وقالبآ ولم أهتم لحديثكم ونظراتكم الملعونة بعد اليوم …
ياتري في كام نهلة بتسمعنا دلوقتي !
عايز أقول إن مافيش فرضية لسن الزواج نزلت قانونيا أو دينيآ ، ومافيش سن معين ل لقب العنوسة .. وكلها فرضيات مجتمعية وعادات ليس إلا ..
عايز أقول إن السن المفروض من وجهة نظر المجتمع لزواج البنت واللي بيتم خطبتها أثناء دراستها في الجامعة ولو مش قبل كدة كمان مش هو السن الصح لدرجة تخليني أقول إن اللي بعد السن ده عانس ..
ده سن هوائي ، وبتكون البنت لسة مش عندها الخبرة أو الثوابت اللي تخليها تقدر تختار شريك حياتها وتكون علي قدر كافي للقرار ده …
الزواج مش كيان معمول عشان أهرب من كلمة عانس فرضها عليا المجتمع علي أسس غير مفهومة .. الزواج كيان عايز قرار ناضج ، واعتقد أكتر حاجة البنت بتفكر فيها في الوقت ده الفستان والقاعة واصحابها والخروج لكن اللي بعد كدة بيبقي أبعد مايكون عن تفكيرها .. وده بعيد جدا عن النضج
فنسبية تشويش القرار في السن ده كبيرة جدا …
أما السن اللي بيبقي مثلا فوق ال ٢٨ بيبقي عنده خبرات كافية في التعامل وفكر قادر من خلاله تحديد الشريك اللي هيكمل معاه عمره …
عايز أقول خدي وقتك في قرارك .. وقتك في إنك تختاري وتدققي في كل تفصيلة في شريك حياتك اللي هتختاريه
عايز أقول متبقيش ضحية لنظرة المجتمع لأن المجتمع مش هيجي يعيش مكانك ، وهيبقي أول حد ضدك لو قلتي انك مش هتقدري تكملي في قرارك وعايزة تنفصلي لأن وقتها هيقولك إستحملي عشان الولاد ..
ودي النقطة التانية اللي عايز أتكلم فيها ، نقطة قرار إن يبقي في أطفال ..
عارف إن الأطفال نعمة من عند ربنا وكل حاجة بس حقيقي نسبة الأطفال اللي عندها مشاكل نفسية بسبب الانفصال كبيرة …
أنا بس بقول ندي فرصة لنفسنا نفهم بعض ، لان الزواج والعشرة والإقامة وش في وش دي حاجة والخطوبة والحب حاجة تانيه خالص …
في الزواج بنتعامل مع بعض أكتر بنتحط في مواقف اكتر نعرف بعض أكتر وأكتر ..
لو التوافق كان أكبر من كل حاجة وقادرين نخطي مع بعض أي حاجة ناخد قرار وجود الاطفال لان وقتها هنكون مؤهلين لده ،
لو الاختلافات ظهرت وعدم التوافق في الطباع والتعامل مع المواقف بقي صعب يبقي إنفصالنا وقتها ماضرش أي حد غيرنا ماضرش أطفال ملهمش ذنب في اي حاجة …
وفي الاخر أنا بتمني من كل قلبي إنكم تقابلو شريك قلبكم وروحكم مش بس نصكم التاني ❤️