مكتئب ليه؟| خواطر لميس وائل
كل يوم تسأل نفسك سؤال واحد…
مش عارف إجابته ،،
انا مكتئب ليه ؟….
طب أنا ليه مش بفرح زي كل الناس ؟
. طب هو انا وحش؟.
طب هو أنا ليه مش بحصلي حاجه حلوه؟.
طب هو انا إيه وليه أصلا !!؟
لا علي فكره انت بيحصل معاك وليك وبسببك حاجات حلوه ، بس انت مصمم انك تتطلع أسوء ما فيها يعني ، مصمم تشوف نص الكوباية الفاضي بس .. إنت إنسان بائس
لا انا بضحك كتير انا متفائل…..
_ طب هقولك انت لما بتدخل حديقة مليانة وفي وردة عجبتك جدآ ، بس للأسف نوعها كان من الورد اللي مليان شوك ، هل انت هتبص علي شكل الورده الجميل إللي لفت إنتباهك وبهرك ولا هتفضل مركز علي شوكها بس……
طب ايه الفرق ؟..
_لو بصيت علي الورده وجمالها فانت انسان متفائل بس لو ركزت علي الشوك ونسيت الورده فانت انسان مش بيشوف غير الجانب المظلم…
طب اعمل ايه انا مش عايز أفضل كده مش عايز كل حاجه حلوه تحصلي أنشغل بسلبياتها أكتب، مش عايز كل ما افتكر ذكري حلوه اعيط واقول ما هي خلصت اعمل ايه ؟…..
_ لازم تحاول تشوف ديما الجانب المشرق …
يعني ايه ؟….
_ يعني مثلا بكره هتطلع رحلة لاسكندرية
حاول متشغلش تفكيرك بالمسافه وإنها بعيده والرحلة كلها هتبقي مرهقة
امال اعمل ايه ؟……
_ انبسط، استمتع بالطريق طويل، إنت مش كل يوم هتسافر…
وحاجات تانيه كتير لو بصيت ليها من وجهة نظر مختلفة فيها أمل هتلاقي نفسك انسان متفائل…
ولو المبدأ موجود عندك ونفسك تتغير فإنت تقدر تعمل كل اللي انت عايزه …
