ملتقى الإبداع
الشاعر أسلام جمال يكتب: اكتشفت ان الحياة رحلة شقي
بعد خِبره وبعد لف وبهدلة
بعد مَشي طرق كتير متقفلة
بعد عٌمر من الظنون والاسئلة
اكتشفت..
ان خوفك من حياتك مش كفايه
تلهي فيك وهاتضربك تحت الحزام..
وان فرحك مهما طول ليه نهايه
وان لازم بعد اهلاً في سلام..
اكتشفت ان اللي شايف واتعمي
حاله اصعب من كفيف مولود كفيف..
للابد هايعيش ف اوضة مضلمه
ده اللي نظره ماكانش عاجبه عشان ضعيف..
اكتشفت ان الحياة رحلة شقي
و ان فيوم ضحكتلنا لازم ضمان..
ياما ناس تدخل عليك متزوقة
واما تغسل وشها يظهر شيطان
من نجاح لنجاح يا قلبي و يا رب دايما اسمك منور في كل مكان