“ماعدش ينفع”| شعر فالح حسن
خلاص ماعدش ينفع ولا قلبي لقلبك هيسمع
ومستحيل أنا أرجع وازاي أرجع لناري
*****************
ندمك دا جه متأخر زود جراحي أكتر
خلاني أسهر وأفكر ويكون االبعاد قراري
*****************
أنا كنت لك قريب وقت الجراح طبيب
ولا كنت يوم بغيب وكنت سكني وداري
*****************
بحبك آه منكرش لكني هبعد وهمشي
وهعلم قلبي ينسى وأنهي معاك مشواري
*****************
ماعدش في الإمكان يكون لك بقلبي مكان
بعد جراحك وظلمك أهو دار عليك الزمان
*****************
أهو جه عليك الدور قلبك يبات مكسور
وتدوق من كاس جراحي وعليك الأيام تدور
