قالت الفنانة ياسمين عبدالعزيز، إن حارس المقابر الخاص بها، أرسل لها رسالة أثناء مرضها فيها مقطع فيديو لتجهزي القبر الخاص بها، وقال لها: جهزنا ليكي التربة يا أستاذة عشان كلنا بنحبك.
وأضافت عبدالعزيز خلال لقائها مع الإعلامية منى الشاذلي في برنامج”مع منى الشاذلي”، قلت له بقولك إيه أنا مش عيزاك تبعتلي حاجة تاني.. وقالي والله بطمن عليكي.
وتابعت: أنا باخد كمية أدوية كانت بتكهربني وكنت بشعر أني بموت ودعاء الناس غير القدر وهو سبب شفائي من مرضي.
وأردفت: أنا مش خايفه من الموت والحياة عند ربنا أفضل من الحياة اللي إحنا عيشنها.. ومشكلتي هي ولادي مش عايزه أسيبهم لوحدهم.
واستطردت: سبب ظهور اليوم لشكر كل الناس اللي دعت ليا أثناء مرضي وماكنت متوقعة حبهم وبشكر كل الناس.
